Van Damme o Lundgren na action film ka nung külemi shilem agitsü

Los Angeles, January 05, 2017 : Action film tem nung tongti shilem kanga bulua agir ana, Jean-Claude Van Damme aser Dolph Lundgren na action thriller film “Black Water” nung külemi shilem agitsü lungjemogo.
Van Damme aser Lundgren nati tesüiba mapangtem nunga film kar nung külemi shilem agia lir. Tenati “Universal Soldier” action movie tem aika nung külemi shilem agiba asenoki nguogo.
“Black Water” film nung tena tan mezüngsüa külemi lungjemer tsükchirtem den raraba angutsü, ta hollywoodreporter.com osang ajanga metetdaktsü.
Iba film indang script ya Chad Law-i zülu aser film nung intelligent mapa inyaker, Van Damme CIA-i puer parnok indang tzü telung nung jajaba rong ka nung anir jajaba angutsü.