Vanessa Hudgens-i la indang lifestyle website lapok

Los Angeles, December 19 (Agencies) : Alima nung celebrity temi pei indang lifestyle website lapoker aser tan tesüsabuba celebrity ji Vanessa Hudgens lir.

Taoba mapang ‘High School Musical’ nung tongti shilem agir Vanessa-i Ashley Tisdale, Gwyneth Paltrow, aser Shay Mitchell nunger tsüngsü sülen anidaka website lapok, ta E!Online osang ajanga metetdaktsü.

Vanessa indang website ji Astral & Opal lir aser iba nung tobur, kenten, sübosolemtsü aser temang anema aliba onüktem lir.

“Ni internet amshitsü jangrar saka kecha nunga balaka ammeta maliasü. Aji agi ni kü indang site ka lapoktsü mulungtet. Iba site ya kü taküm asoshi lir aser asen tiaji asen sasa yanglur. Ni junga linür, junga ngudaktsünür aser jangratema linür” ta Vanessa-i la indang website nung shia lir.

Blake Lively-i la indang lifestyle website, Preserve shibangba sülen ita asem shi lir külen Vanessa-i la indang lifestyle website lapokogo.