Varanasi nung PM Modi-i Inland multi-modal terminal ka semzüktsü

Varanasi (Uttar Pradesh), Yimpoksüi/November 12 (Agencies): Tanü Varanasi nung Ato kilonser, Narendra Modi-i Inland Multi-Modal Terminal Port ka semzüktsüogo; iba port ya sen crore 207 shi indoka Varanasi yimti kübok Ramnagar nung aliba Ganga ayong nung yanglu.
Inland Waterways Authority of India indang World Bank-aided Jal Marg Vikas project kübok Ganga ayong nung Multi-Modal Terminals pezü yanglutsü atemzüka liasü, aser item rongnung iba ya mezüngbuba asutsü.
Tanüngba terminals asemji Sahibganj, Haldia aser Gazipur nung tang teyangludak lir.
India nunger Inland Waterways Transportation sector jenjang tajungba küma Ato kilonseri container vessel ka agizük aser ibaji tang mezüngsüa linük nung aliba Inland Waterways nung jaja.
Ato kilonser, Modi-i pa adokba Parliamentary constituency -Varanasi anogo asemnü semdangba mapang nung pai sen crore 2400 jenjang project aika semzüktsütsü, aser item rongnung National Highways ana densema lir.