Varun Dhawan-i Coolie No. 1 yanglushiba nung shilem agitsü

Metsüremi/March 8, 2019 (Agencies): Varun Dhawan-i comedy film; Judwaa 2, Main Tera Hero nunger amala nung shilem tajung agiba nguogo aser tang osang ajanga ashiba agi, pa Coolie No. 1 film yanglushiba nung tongti shilem agitsü asoshi anisemogo.
Coolie No. 1 film nung Govinda aser Karisma Kapoor nati tongti shilem agiogo koba Varun tebu David Dhawan-i direct süa liasü. Kasa mapang nung iba film yaglushiba nung Varun den külemi Sara Ali Khan-i shilem agitsü imlar.
Varun-i iba film yanglushir adoktsüba indang osang ya BBC den pa taruba project indang jembidang metetdakja liasü.
Ajisüaka pai iba film nung Sara den külemi shilem agitsüba indangbo mejembi. Film nung Karishma indang shilem Alia Bhatt-i agitsü asü ta asüngdangba mapang pai ashiba agi, “ni Alia Bhatt den film ajak nungbo shilem magitettsü. Iba film nung tetsürtem rongnungi shibai tongtia shilem agitsü aji nenoki matettsü saka Alia küna iba film nung külemi shilem magitsü. Mapang tatsüka lirang künati külemi shilem agitsü ajita mesera nüburtemi laktettsü.”
Coolie No.1 ya 1995 küm yanglu aser Govinda-i iba film nung Raju shilem agir, shibai Malti (Karisma) den kibong akümtsü mechi nung shishilembar tulu ka ama tiyazü jembir. Küm tem tsüngda iba film ya Indian film rongnung classic ka kümogo.