VB Infants’ Digital Home-i medical check-up ayonga agi

Dimapur, February 22 (TYO): VB Infants’ Digital Home (Digital Pre-School), Kevijau colony, Lane 4, Dimapur-i February 22, 2019 nü school indang indoor children games hall nung tanurtem atema medical check-up sentong ka ayongzüka agiogo, ta VB Infants’ Digital Home (Digital Pre-School) head incharge, Sekhonulu Kushoh-i sangdong ka nung metetdaktsü.
Dhanawantri service tour indang project kübok National Medicos Organization nungi Dr. Rana Arun Kumar aser Dr. Vishnu Jinja nati tanurtem check-up agitsü; iba tour ya Seva Bharati-i ayongzük.
“Medical check-up inyakyim nung tetsütemi agiba shilemji tajungshiba ka liasü. Doctor temi tashidak balala dak sendakba nung tasüngdangbatem ajak tetsütemi marendaki langzüa liasü. Tanur tetsürtem-ia medial inspections agi,” ta sangdong nung shia lir.
Tetsürtemi doctor tem dang pelaba lemsatepa liasü. Check-up apir nüngdakba mozütema angati lema agutsüogo.
Tesüsa Kushoh-i doctors aser Dhanawantri Service Tour delegates dang pelaba lemsatep.