VB Infants’ Digital Home nungi tanurtemi Khristmas jeli sentong agi

Dimapur, Luchii/December 22 (TYO): VB Infants’ Digital Home (pre-children school), Kevijau Colony-i Lane 4, Dimapur nung küm tatem chiyungba benjung den Khristmas jeli sentong ka ayongzüka agiogo; school campus nung ayongzükba sentong nung tanurtem, tsüraburtem aser temeimertem aden, ta Secretary, Mayangtula Jamir-i sangdong ka nung metetdaktsü.
School tanurtemi tsüngsangba aser ken atenba den külemi shilem balala agia liasü.
Tsürabur rongnung ka, A. Ozukum-i tesayurtem dang school nung tanurtem den koma benshitsü, iba indangji lemsatepa liasü, kechiyong Preschool tanurtemi temzüngtem mangatetter, ta ashi. “Saisapong junga asayatettsü atema parnok ano metemsü, anungji school nung inyakbatemji tanur pelatsüsa asütsüla aser tanurtemi shisaliok dak sendakba tasen angazüktsü atema ajungshitsüla,” ta laisa ashi.
Tsüraburtemisa Khristmas tetezü metetdaktsü, iba sülen Yisu asoba anogomong jleia among aser Merry Christmas ken tena liasü.
Head Teacher-i Khristmas salem lemsatepa liasü.