VBDAN ajanga Kisama nung blood donation camp ayongzük

Dimapur, Luchii/December 06 (TYO): Voluntary Blood Donors Association Nagaland (VBDAN) ajanga lokti tentet balala den lungjemer December 6, 2024 nü 25 buba Hornbill Festival nung shilem ka ama Naga Heritage Village, Kisama nung blood donation camp ka takok ngua ayongzük.

Mozüki balala nung aliba blood banks tem nung azü tali bendentsü nükjidong nung iba sentong ya ayongzüka liasü.

Iba camp ya Indian Red Cross Society Nagaland, HDFC Bank, Canara HSBC Bank (Life Insurance), Blood Centre NHAK, Imagi.NATION, 13th Assam Rifles, 164 TA Naga, Imprint aser 5th Note den külemi teka amteper ayongzük, kong 164 Territorial Army aser 13 Assam Rifles nungi nisung 25 arua azü agüja liasü.

Iba sentong nung Bendang Imsong, Advisor, VBDAN menden liasü aser Lujeka Assumi, Associate Pastor, SBCK ajanga sarasadema tenzük.

Burakum, President, VBDAN ajanga pela agizükba o jembi aser Ainato Yeptho, Chairman, VBDAN ajanga melepzüng o jembia liasü.