Vekutho-i Hornbill Naga Wrestling Championship kokogo

December 4: Champion Vekutho Soho den takoker, NWA ketdangsertem aser tongtibang nisungtem tangokba noksa nung angur.

Kisama, (Kohima)Luchii/December 4 (TYO): 13buba International Hornbill Naga Wrestling Championship 2019, Phek yimtsüng nungi Vekutho Soho-i kokogo. Iba asaya ya tanü Amphitheatre, Kisama Naga Heritage Village nung asayaa liasü. Final asaya nung Soho-i Mhasilhousie Nagi akok aser pa nem senpet sen 1,20,000 den kuli kaket agütsü. Tanabuba jenjang nung tembangsang Jotsoma yimtsüng nungi Er. Mhasilhousie Nagi nema kuli kaket den senpet sen 80,000 agütsüogo.
Hornbill Champion reigning champion & NWA champion Menuosetuo Yiese aser Kezhavizo Thevo na semifinal nung tsük aser tena nema kuli kaket den snpet sen 30,000 (tenaprongla nem) agütsüogo.
Tourist category nung Delhi nungi Dushyant Singh-i takok angu aser Delhi nungisa Ankit Singh runner up liasü. Parnok nema senpet den kuli kaket agütsü.
Vekutho-i pre-quarter final asaya nung Vetuzo Dawhuo aser quarter nung Venuzo Dawhuo tsükdaktsü. Maneni semifinal nung pai Kezhavizo Thevo akok aser final nung Er. Mhasilhousie Nagi koka International Hornbill Naga Wrestling championship 2019 takoker aküm.
Kasa mapang nung Er. Mhasilhousie Nagi-i pre-quarter nung Seyiekhrietuo Yiese aser quarter nung Rovilhoulie Pier tsükdaktsü. Paisa semi final nung Menuosetuo Yiese akok saka final nung Vekutho-i pa tsükdaktsü.
Iba asayamung nung asayar ajak agi parnoki 36-i shilem agiogo. Parnok rongnung Angami Sports Association (ASA) nungi asayar 9, Chakhesang Wrestling Association (CWA) nungi 9, Zeliang Wrestling Association (ZWA) nungi 7 aser tourist category nung asayar 11 densema liasü. Tourist category nung Australia nunger 1, Kathmandu nungi Nepali nunger 1, Mao nungi asayar 1, Aoer 1, Rengma nunger 1, Assam Silchar nungi asayar 1, Delhi nungi asayar 3 aser Jharkhand nungi asayar 2 ti shilem agiogo
Iba tetoktepba ya Nagaland Wrestling Association (NWA) tawabangba kübok Department of Tourism, Nagaland-i senotsü teyari agüja agiogo.
Asaya lapokba sentong nung Dr. Neiphrezo Keditsu, Chairman NKVIB tongti tesemdanger liasü. NWA tir Neivikuolie-i tir ojembi aser ZBC Kohima, Pastor, Rev. Irlingtur Kauring-i temoatsü meshizüka sarasadem. Iba sentong ya NWA senyur Dr. Hiabe Zeliang lenisüba kübok aka aser NWA Jt. Secy Peyekhriezo Dzuvichu-i achaayanga asayartem tenangzüktepba agi.