Venezuela o India nati tongti totzü tezüngzüktep agiogo

Venezuela yimtiba, Caracas nung tongti totzü tezüngzüktep ka zülutepa agiba sülen Venezuela  Tir, Nicolas Maduro (Tiyongtsü) aser India’er Oil & Natural Gas Corporation nung Executive Director, Narendra Kumar Verma (Achijilen) nati takok anguba temaitsü sayuba noksa nung angur. Abelen PDVSA Tir, Eulogio Del Pino densema lir. (Caracas, November 05)

Caracas, November 05 (Agencies): Venezuela aser India nati dollar sen billion 1.45 shi jenjang aketba tongti totzü tezüngktep ka yashi, Hokolbar nü agiogo.
Tan tezüngzüktep agiba sülen Petroleos de Venezuela SA (PDVSA), India’er Oil & Natural Gas Corporation (ONGC) aser Delta Petroleum-i aniba Delta Finance BV nungeri tarutsü anogotem nung ali telungi nungi totzü tali tutettsü mapatong tenzüktsü terenemshiba agia lir.
“Ozü linük nung tentetba totzü sabang dak temulung alema atema kanga pelar. Asen linük anati aroki lungjemer amalitepa inyakba ajanga asen linük anaprongi arok tajangzük angutsü imlar,” ta Venezuela Tir, Nicolas Maduro-i India’er tongti shishilembartem dang metetdaktsü.
Venezuela linüki rongsenren jenjang tamajung kanga sashia ajuruba mapang ka nung tan tezüngzüktepji agir lir.
Tan tezüngzüktep agiba ajanga Venezuela linüki par totzü tutettsü mapatong tuluba inyaktsü, par sentsü aotsü, sendaktepa alir bendang linüktem nungi senotsü teyari angutsü aser totzü yokzükba nungi sen taoba mapang nungi timba aazüktsü alizüng yua lir.
Ano, 2009 küm nungi tenzüka tentetba Indo-Venezuela sendaktepbaren takok ngua inyakba ajanga Venezuela nung tentetba San Cristobal totzü tutetdak totzü barrel 20,000 nungi 40,000 küma, timba tutettsü teimla lir.