Venugopal Rao asaya nungi anener

Chiteni/July 30, 2019 (Agencies): Taoba India team nungi batsman aser Andhra Pradesh captain Venugopal Rao-i Mongolbarnü cricket asaya ajak nungi anenba sangdongogo.
“Y. Venugopala Rao, taoba Andhra Ranji team captain aser India international asayar, shiba India tenüng nungi ODI 16 aser IPL asaya 65 nung asayaogo pa cricket asaya nungi anenba sangdongogo,” ta Andhra Cricket Association sangdong ka ajanga metetdaktsü.
Visakhapatnam nungi arishi küm 37 tain asayari India tenüng nungi asayaba mapang run 281 dang yanglutet. Pa mezüngbuba 2005 küm July ita 30 nü Dambulla nung Sri Lanka den asayaa liasü.
Pa tatemsa West Indies den Basseterre nung 2006 küm May 23 nü asayaa liasü.
Rao first-class matches 121 asayaogo aser iba mapang nung run 7,081 yangluogo. Pai century 17 aser half- century 30 yanglua liasü.
2008 nungi 2014 tashi pa IPL nung Deccan Chargers aser Sunrisers Hyderabad nungi asayaogo.
“Andhra Cricket Association tir, Hon. Gen. Secretary aser züngsemtemi pa tarutsü takok nung aotsü imlatsür aser Andhra Cricket Association asoshi pai ajangtettsüba ajak bilemteta pa nem tenüngsang agütsür,” ta ketdangsertemi metetdaktsü.