Venus-i Muguruza den Wuhan Open final asayatsü

Wuhan, October 02 (Agencies): Taoba tetsür World No. 1, Venus Williams-i Italy tsür Roberto Vinci madak semifinal asaya akokba sülen tang tasayadak Wuhan Open tetsür singles shilem indang final asayatsü jenjang tanü Hokolbar nü nguogo.
Arishi küm 35 tain America tsürla, Venus-i tanü points 5-7 6-2 7-6(4) ngua Vinci madak takok angu.
Venus-i Spain tsür Garbine Muguruza den final nung ajuruteptsü.
Arishi küm 21 tain Muguruza-ia tanü points 6-4 7-6(5) ngua Germany tsür Angelique Kerber mezüngbuba semifinal asaya nung tsükdaktsü.

You must be logged in to post a comment Login