Venus Williams asaya 700 buba akoker akümer

Wuhan, September 30 (Agencies): America tsür, Venus Williams-i asaya 700 buba akoker asayar küma otsü tasen ka tanü Bodbar nü yangluogo.
Venus-i tang tasayadak Wuhan Open tetsür singles shilem nung Germany tsür, Julia Goerges madak points 6-4, 6-3 agi takok ngu tanü otsüji yanglua liasü.
Tenu, Serena Williams sülen anidaka, arishi küm 35 tain Venus ya alima ajunga nung tennis asaya 700 buba akoker 9 buba akümer lir.
“Ni tanü takok anguba ajanga iba alizüngji atongtsü ta memeteti liasü. Ajisüaka, shingia iba osangji kü dang mapang jilia memetetdaktsüba atema kanga pelar kechiyong iba osangji metet asübo ni tanü bilemba ama junga masayatettsü liasü,” ta Venus-i tesülen osangbener dang menürema ashi.