Venus Williams-i WTA Elite Trophy kokogo

Zhuhai, November 08 (Agencies): Zhuhai, China nung Venus Williams-i Deobarnü 7-5, 7-6 (6) agi Karolina Pliskova koka WTA Elite Trophy benogo.
Tiebreaker asayaba mapang set akoktsü asoshi Pliskova point ka nüngdaka liasü ajisüaka Williams-i kanga tashi ita asayaba ajanga mongudaktsü.
Williams-i, “Asia nung hopta tenet amungba ajanga joko kü tasoli amai bilemer. Ni Zhuhai nung mezüng takok anguba asoshi kanga pelar. Yangi asayar ajak yimya tajung dang lir,” ta ashi.
Taküm lai joko takok asembuba angur aser iba takok ya ajanga küm pezü buba nung tetsür tennis asayar rongnung tajungtiba 10 tarenseni iogo.
“Ni tanü takok monguaka tan hopta kanga jangratema mungogo. Venus-i tanü kangasa junga asayaogo. Ni hopta piyong asaya aruba nung kü sasa ulua bilemer aser tarutsü nunga iba amai asayatettsü kü teimla lir, ” ta Pliskova-i ashi.
Williams-i tang tashi nung Grand Slam tenet bena lir.
2008 küm nungi tang tashi nung küm ka nung takok asem angubaji tan Williams asoshi tan mezüng lir.