Venus Williams Taiwan Open quaterfinal-i iogo

Kaohsiung, February 11 (Agencies): America tsür, Venus Williams-i Poland tsür, Urszula Radwanska madak takok ngua tang tasayadak Taiwan Open tennis asayamong quarterfinal asayatsü jenjang tanü, Brehotisbar nü ajangzükogo.
Tan asayamong nung temaba jenjang abenla, Venus-i tanü points 6-4, 6-2 ngua Radwanska tanabuba round asaya nung ayong ayonga tsükdaktsü.
Venus-i breakpoint 7 nungi 5 ngua tanü takok anguba sülen Latvia tsür, Anastasija Sevastova den quarterfinal asayatsü jenjang angu.
Ano külen, Japan tsür, Misaki Doi-i points 6-2, 6-3 ngua Poland tsür, Magda Linette tanabuba round asaya nung tsükdaktsüba den külemi, Switzerland tsür, Stefanie Voegele-ia points 6-4, 6-4 agi China tsür, Zheng Saisai madak tanabuba round asaya akokba osang jangjaogo.