Venuzo & Vechita middleweight & heavyweight champion akümer

Wrestlemania 4 heavyweight shilem nung takok angur 4-i Angami Sports Association (ASA) Tir, Neisievilie Lhousa aser 3E Nagaland ketdangsertem den agiba arok noksa ka yangi angur. (Kohima, October 30)

Dimapur, Ocotber 30 (TYO): Chakhesang nunger melangteper ana, Venuzo Dawhuo aser Vechita Khesoh nati final asaya koka 4 buba Naga Wrestle Mania Championship middleweight aser heavyweight shilem indang champion tanü Hokolbar nü kümogo.
Middleweight shilem nung Thenyizu nunger Venuzo-i Jotsoma nunger Kevizhakho Suokhrie madak final asaya nung takok ngua temaba jenjangji agnu.
Venuzo-i champion belt aser kulikaket den külemi, senpet sen 50,000 agizük aser tanabuba jenjang angusang, Kevizhakho nema senpet sen 30,000 agütsü.
Kasa shilem indang semifinal nung shilem agitsü jenjang angur ana, Mpai nunger Nlumrai Hegwang aser Suthozu nunger Kuzoto Phesao naprongla nem senpet sen 10,000 agüja liasü.
Par 4 den külemi, middleweight shilem nung toktepa shilem agir melangteper 10-i King of the Ring Championship nung shilem agitsü jenjang nguogo.
Yoruba nunger Vechita-ia Mezoma nunger Zasevikho Meyatsu madak final asaya nung takok ngua heavyweight champion tanü aküm.
Vechita-i champion belt aser kulikaket den külemi, senpet sen 50,000 agizük aser tanabuba jenjang angusang, Zasevikho nema senpet sen 30,000 agütsü.
Kasa shilem indang semifinal nung shilem agir ana, Sechü Zubza nunger Keneisevi Meyase aser Tuophema nunger Keduovilie Zumu naprongla nem senpet 10,000 agüja liasü.
Par 4 den külemi, heavyweight shilem nung toktepa shilem agir melangteper 8-i King of the Ring Championship nung shilem agitsü jenjang nguogo.
Tan October ita 31 anepdang 10:00 ako nungi tenzüka agitsü ayongba King of the Ring Championship tetoktepba nung lightweight shilem nungi melangteper 30, middleweight nungi melangteper 14 aser heavyweight nungi melangteper 8 densema ajak agi melangteper 52-i shilem agitsü jenjang ngua lir.
Iba tetoktepba shibangba sentong nung Nagaland Parliamentary Secretary, Youth Resources & Sports, State Lotteries & Music Task Force, Khriehu Liezietsu tongti tesemdanger alitsü.