Verma aser Asthana na anema bushisüngdangba Rtd. Judge kati ketdangsütsü

New Delhi, Mongputeni/October 26 (Agencies): Tanü Chief Justice of India (CJI), Ranjan Gogoi-i, CBI Director Alok Verma aser Special Director Rakesh Asthana na anema bushisüngdangbaji retired Supreme Court judge, AK Patnaik-i ketdangsüa reprangtsü, ta metetdaktsü.
CJI Gogoi-isa, ketdangser anati kati ka nem tai tongloktsütepbaji CVC-i bushisüngdangtsü, aser iba maparenji hopta ana tsüngda tembangtsü, ta metetdaktsü.
Verma indang lawyer, Fali Nariman-i, CVC aser Union sorkari ozüng kübok kecha tashi makai Verma nem leave agutsüogo, ta aitsü.
Supreme Court-i CVC aser Centre na dang iba onük nung telangzüba agüjang ta metetdaktsüogo.
Iba dak alia SC-i, court-i iba onük angadangtsü anogo, Yimpoksüi/November 12 anogo tashi nung CBI interim tongti, M Nageshwar Rao-i mapatong balala atema telemtetba agitsü makok, ta metetdaktsü.
SC-isa, tanü (Oct 26) tashi nung Rao-i telemtetba agia alibatemji envelope ka nung shibanger agutsütsü tuyuogo.
CBI tongti, Verma aser pa sülen tatong, Asthana na mapang talangka nungi kati ka aitsütepa aruba nung ajemdaker sorkari tenaprongla nem leave agutsü.