Verstappen-i FIA Awards 2 tashi kümnabuba agizüker

Mexico City, December 03 (Agencies): Netherlands nunger Formula One (F1) gari toktepa anishir, Netherlands nunger Max Verstappen-i yashi, Hokolbar nü agiba International Automobile Federation (FIA)’er sempet agütsüba sentong nung sempet 2 tashi agizükogo.
Arishi küm 19 tain Red Bull telok gari anishisang, Verstappen-i Personality of the Year aser Action of the Year sempet agizüka, iba nungtugu sempet tan agi tanabenbuba agizüker aküm.
Verstappen-i Spain nung taküm, 2016 küm May ita ayonga agiba Grand Prix (GP) takokba ajangzükba sülen pa alima ajunga nung GP takokba agizüker tanubotisang aküm aser pai tan agi Action of the Year sempet kümsembuba tashi atonga agizüker gari toktepa anishir akümer lir.
“Ni taküm agi F1 nung kümnabuba tashi toktepa shilem agir aser iba mapang takokba jenti anguba den nungtugu sempet agizüktsü maongka anguba atema kanga pelar,” ta Verstappen-i sempet agizükdang metetdaktsü.