Vestal Sankro-i 6 buba Nagaland Spelling Bee Championship kokogo

Kohima, September 30 (TYO): Holy Cross Higher Secondary School Dimapur nung class 9 nung azünger Vestal Sankro-i 6 buba Nagaland Spelling Bee Championship takok nguogo.
Iba tetoktepba ya Fountain Club Kohima-i SCERT Nagaland den yaritepa ayongzük.
6 buba Nagaland Spelling Bee Championship final nung Vestal-i ‘Kitchenette’ aser ‘Plenipotentiary’ olungtem shiteta takokji angu. La nem sen 60,000 senpet den kuli kaket aser takok marok agütsü.
Taküm tetoktepba nung tanabuba jenjangji Little Flower Higher Secondary School Kohima nungi Zalino Mekro (class 10), tasembubaji St. Paul School Phesema nungi Visakhono Yakhro (Class 10) aser pezübubaji CD King Higher Secondary School Kohima nungi Keviseto Mekhro (Class 9) nungertemi angu.
Tanabuba jenjang angur nem 40,000, tasembuba angur nem sen 20,000 aser pezübuba jenjang angur nem sen 15,000 senpettem agütsü.
Maneni, quarter final atonger pezü- Lisa Venuh (Class 10) Mount Hermon HSS Kohima, Shanjothung Ngullie (Class 8) Dainty Buds School Kohima, Kasunga Victoria Kuba (Class 8) Model HSS Kohima aser Pithungo Kikon (Class 7) St. Mary’s Cathedral HSS Kohima nunger shia nem sen 5,000 agütsü.
Tetoktepba tembangba sentong nung ADC Medziphema Vikhweno Chale tetushi süa jaoker liasü aser lai ashiba agi, iba sabang ajanga kaketshirtemi tali angazüktsü atema toktepba tangatetba agütsür.
Iba ajanga kaketshirtem tasü aittsü aser pei dak tamang kateta temaba jenjang atongtsü merangtsü, ta laisa shisem.
Sentong nung mendenji Medo Yhokha liasü, Additional Director SCERT Jack-ia o tatsüka jembi, Chetonü Hibo-i ken ka aten aser Fountain Club President Peter Seyievilie Zashümo-i anküp tepela o jembi.