Veteran asayartem football terenemshitsü agitsü ayonger

Dimapur, October 28 (TYO): Dimapur District Veteran Football Association (DDVFA) nung züngsemba veteran football asayar ajunga Dimapur kübok Nagarjan nung tentetba Sports Authority of India (SAI) Ground nung football terenemshitsü agitsü ayongba osang ka DDVFA Joint Secretary, G. Apan-i tanü sangdong ka ajanga metetdaktsüogo.
Taruba November ita 1 nü nungi tenzüka, anepdangshia 5:30 ako nungi tenzüka agitsü renemba terenemshitsü sentong nung veteran asayartem ajungai shilem agitsü ayongogo.
Ano külen, tarutsü anogotem asayatsü ayongba Veteran Football Tournament nung shilem agitsü asayartema shimtsü renemba olen ka kasa sangdong ajanga metetdaktsüogo.