Victoria Azarenka Indian Wells semifinal tongogo

Indian Wells, March 18 (Agencies): Tesüiba tetsür World No. 1, Victoria Azarenka-i takok ngua tang tasayadak Indian Wells tennis asayamong tetsür singles semifinal asayatsü jenjang yashi, Brehostibar nü nguogo.

Belarus tsür, Azarenka-i yashi points 6-0, 6-0 ngua Slovakia tsür, Magdalena Rybarikova quarterfinal asaya nung tsükdaktsü.

Taoba mapang Grand Slam takok marok 2 tashi agizükla, Azarenka-i Czech Republic tsür, Karolina Pliskova den semifinal asayatsü lemzükogo.

Tan asayamong nung 18 buba jenjang abenla, Pliskova-ia points 6-3, 6-2 agi Russia tsür, Daria Kasatkina quarterfinal nung tsükdakja semifinal asayatsü jenjang ngua liasü.