Victoria Beckham-i Los Angeles nung meliner

August 08, 2015: David Beckhem kinüngtsü aser taoba mapang ‘Spice Girls’ züngsem Victoria Beckham-i la mapa London nung lir asü nungji lai Los Angeles nung meliner, ta osang ka ajanga ashi.
Ajisüaka la kinüngbu David den dena chirtem- arishi küm 16 Brooklyn, Romeo (12), Cruz (10) aser Harper (4) nungeribo US-i tanaben meyipa oa linü, kechiyong tang tashi parnoki UK nung alitsü yimya mesüba.
Par kibong tembar kati, ”David-i Los Angeles nung linür. Saka Posh (Victoria)-ibo London ji London ungdang linür,” ta ashi.
Küm ana tejaklen par kibong Lonodn-i meyipa aruba sülen Victoria-i English yimtiba London nung dokan ka lapoka lira se iba yimti nung la tera yanga lir ama laibo bilemer.
Kasa osang ajangasa, David-i Victoria dang pai dang masü saka dena chirtemia US nung linür ta la mesüzükktsü meranger.
Ajisüaka parnoki Victoria memesüzüktet tashibo David aser chirnürtem mapang shia mapang tatsütsü LA-i oli-aruli ta dang sütettsü, ta US! OK magazine ajanga ashi.