Victoria Beckham medeni Spice Girls tanaben longjemtsü

Abelen nungi Spice Girls züngsem- Mel B, Geri Halliwell, Emma Bunton aser Mel C nunger Viva Forever! Press Night musical nung adentsü atema Central London, Piccadilly Theatre-i aruba sülen noksa tangokdaktsüba angur.

 August 11, 2015: Tetsür kentener telok ‘Spice Girls’ sangküm alima sema kentena senzütsü asoshi longjemtsü, saka telok nung Victoria Beckham bo madentsü, ta osang ka ajanga ashi.

‘Spice Up Your Life’ ken atener telok Spice Girls-i Wannabee ken atenba sülen sangküm küm 20 ajungbamung amungtsü, ta Ace Showbiz osang ajanga metetdaktsü.

Iba mung nung parnoki alima sema ken atentsü sentong yangludagi, aji oda süaka fashion designer Voictoria bo Emma Bunton, Mel C, Geri Halliwell aser Mel B nunger den madentsü.

“Taoba ita Mel B London-i oa tanüngba tetsür asem den sentong yangluogo. Tanbo parnok nisung shia pound sen million 10 dak tema aazüktsüla,” ta osang ka ajanga ashi.