Victoria Beckham Spice Girls nung kanga pela maliasü:Simon Fuller

London, April 29, 2016 : kentener aliba fashion designer akümla, Victoria Beckham Spice Girls telok nung aliba mapang kanga sadoka maliasü. La iba telok nung jangratema maden, ta tesüiba mapang lar telok nung manager alisang Simon Fuller-i ashi.
Arishi küm 55 tain, entrepreneur, Vitoria ya tetsür kentener telok den parnok nüngtugu aliba mapang aden aser lai ashiba agi, iba telok nung adenbato la fashion industry-i memeyip tsüngda sodi mapang ka amai liasü, ta ashiba Female First osang ajanga metetdaktsü.
“Victoria ya Spice Girls telok nungi anener külen David Beckham den kibong akümba sülen la kijai ken atentsü tenzük. La iba telok nung kodanga jangratema maliasü. Küm ana asem ka alima nung kanga nüngtugu kentener telok nung la densema liasü saka la kodanga temulung ajakbo iba telok nung maliasü,” ta Fuller-i ashi.
“Lai ken kanga junga tena tsüngsangtetaka la iba telok nung jangratema maden,” ta pai ashi.
La kijai atenba ken ajanga takok karbo angu saka la shisatsü nung fashion atema tebilemba tuluba liasü, ta Fuller-i temai adoka shiogo.
“Spice girls loksaba mapang la kijai ken atentsü tenzük saka lai iba nungji tepela monguteti kü dang, Simon, ni joko music mapa meinyakner. Nai ni kechi ang inyak nung ajungtsü amai bilemer?” ta asüngdang.
“La nükjidongji kanga tajung liasü. Iba ama mangdang tajung ya kari dang nguteter. Ni Victoria ya la arishi küm 18 asüdang nungi kanga junga meteta lir, anungji lai taküm nung inyakdangnüba aser sobunüba ajak ni jangja lir. Lai sobusolemtsü ajak kanga junga meteta lir anungji lai teti kanga junga sobur. Ni la dang na fashion mapang inyaka designer ka aküm junger asütsü ta shia liasü, ta fuller-i ashi.