Vidya Balan dang Pakistan film nung shilem agitsü asüngdang

Mumbai, June 4, 2016 : National Award angula aser tesem ajaklen cinema nung shilem agila, actress Vidya Balan-i la dang Pakistan film ana nung shilem agitsü asüngdangogo ta ashi.
Pakistan film nung shilem agitsü asüngdanger masüngdang ta IANS-i la dang asüngdangdang lai, “Tawa ang kü dang Pakistan film ana nung shilem agitsü asüngdangogo. Ajisüaka ajakji otsü dak aket. Ni Pakistan film ‘Bol’ reprangogo aser ni iba film ji kanga meima aküm. Ni ano ‘Khamosh Pani’ film bo mereprang ajisüaka iba film ji kanga junger asütsü ni amanger. Ni alima tesem mashi nung inyaktsü mulunga lir,” ta langzü.
Nü dang Pakistan film idang script temji junger majung asü ta asüngdangdang lai, “Ni ano parnok den ajurutepa senden mamen. Phone nungbo anaben jembiogo. Parnoki kü dangi tsüngtong arua film otsü shiner,” ta langzü.
Vidya-i Pakistan nunger indang Zindagi channel (Hindi channel) kanga tushia ashi. Iba channel nung Pakistan Drama tem den India aser alima balala indang serial tem yoker.
Vidya ya tang lai shilem agiba “TE3N” film tajungketdak lir aser lai, “Ni tanü asüng ka Zindagi channel kanga repranger aser iba channel nung aruba otsütem kanga sapur,” ta ashi.