Vidya Balan-i ano Big B, Nawazuddin den shilem agitsü

December 12, 2015: Actress Vidya Balan-i ano maneni film nung Amitabh Bachchan aser Nawazuddin Siddiqui nunger den shilem agitsü.
Tanü actress Vidya Balan-i, Sujoy Ghosh-i produce asütsü aliba film ‘Te3n’ nung lai police ama shilem agitsü, ta ashi.
Ribhu Dasgupta-i direct asüba film nung megastar, Amitabh Bachchan aser actor Nawazuddin Siddiqui nati tongtibang shilem agir.
Honibar nikongdang osangbenertem den jembidang Vidya-i, “Ni police ka ama shilem, agitsü. Ni kanga jangraa liasü, kechiyong otsüji junger. Iba ya ano Kolkata nung Bachchan sahab, Nawazuddin aser Sujoy nunger den shilem agitsü maongka tajung ka lir,” ta ashi.
National Award angur arishi küm 37 actress Vidya tanü kaket zülur Piyush Jha-i züluba novel ‘Raakshas’ sayaba sentong nung dena liasü.
Tamalen ‘Dirty Picture’ film nung lai Sujoy den shilem külemi agia liasü aser 2012 küm ‘Kahaani’ film nung la Nawazuddin den külemi inyaksema liasü. 2009 küm ‘Paa’ film nung la Bachchan den külemi inyaksema liasü.