Vidya Balan-i ‘Begum Jaan’ film nung shilem agitsü

February 09, 2016: Bollywood actress, Vidya Balan-i mapang-mapang shia film nung shilem balala kanga junga agia arudar, aser maneni lai film tasen ka nung shilem agitsü osang angashir.
Times of India osang ajanga ashiba agi, Mahesh Bhatt-i Srijit Mukherji indang Bengali film ‘Rajkahini’ nung ajemdaker yangluba film nung Vidya Balan-i shilem agitsü.
Indian Bengali Drama film ‘Rajkahini’ ya Srijit Mukherji-i yangluba film lir.
June 2015 nung Bengali film tangokba maparen tembanga liasü aser October 16, 2015 nü sayaa liasü. Iba film tetsür dak aketba tongtibang yimba 11 sayar, aser Bengali film ya Hindi oshi nunga yanglua tangoktsü.