Vidya Balan-i shilem agiba ‘Ekk Albela’ film poster sayaogo

May 28, 2016 : Vidya Balan-i Marathi film nung tan mezüngsüa shilem agiba “Ekk Albela” indang poster sayaogo. Iba film ya June 24, 2016 nü sayatsü sentong lir.
Lai iba poster kübok, “Ni shilem agiba Ekk Albela film indang poster kanga pelaseta lemsateper. Iba film June 24 nü sayatsü,” ta zülur twitter ajanga lemsatep.
Poster nung asür actress Geeta Bali ama shilem agila, Vidya Balan saree ka zür Marathi actor Mangesh Desai den tesülen shitepa nokdaker adoka lir. Mangesh Desai-i asür actor Bhagwan Dada ama shilem agia lir.
Poster nung tena sülen tesüiba mapang Victoria Terminus tasa ja aliba tang Chhatrapati Shivaji terminus ta tenüng melener aliba Mumbai Central Railways-a angur.
“Hamari Adhuri Kahani” film nung tongti shilem agila, Vidya Balan-i tesüiba mapang Bengali film nung mezüngsüa shilem agibaji “Bhalo Theko” film lir aser Bollywood nunga lai shilem agiba “The Dirty Picture”, “Kahaani”, “Parineeta” aser “Ishqiya” film tem kanga nüngtugu lir.
Shekar Sartendel-i direct asüba ‘Ekk Albela’ film ya asür actor Bhagwan Dada taküm otsü nung ajemdaker yangluba lir.