Vidya Balan-i tetezü tajung aketba film nungang shilem aginür

Chiteni 4, 2018 (Agencies): Bollywood actress rongnung Vidya balan dak sempet tajung keta lir ta ajaki züngshiaka, lai tang mapang tatsüka atema screen tulu nung shilem magi arudar. Ajisüaka, journalist Sagarika Ghose indang ‘Indira: India’s Most Powerful Prime Minister’ otsü kaket nung ajemdaker yanglutsü aliba film nung Balan-i Indira Gandhi shilem agitsü ta taküm küm tetenzüklen ka sangdonga liasü.
Taoba küm Balan-i tongti shilem agiba ‘Tumhari Sulu’ film sayaba sülen nungi la film tasentem nung shilem agitsü osang aikabo mangashir. Ajisüaka, osangtem ajanga angazükba agi, ‘Indira: India’s Most Powerful Prime Minister’ ya film ka mesüra web series ka asütsü akok aser iba dak sendakba nung project yanglurtemi osang tejangja agüja mali.
Küm tetenzüklen nungi Balan ya mazüngidang ainlen senzüa arudar aser iba den külemi brand kar atema tangokdar. Osang ka ajanga angazükba agi, Balan-i tetezü aketba cinema nungang tongti shilem aginür.