Vienna nung café ka nung mobile phone charge asüba atema sen meshir

February 16, 2017 (Agencies): Vienna, Hundertwasserhaus tesem nung aliba Terrassencafe nung kibur, Galina Pokorny-i phone charge asüba atema sen agir.
Café-i arurtem ghonda aika phone charge asüba agi alakba agi, Galina Pokorny-i phone talanglang charge asürtem dang sen €1 ($1.06; £0.85) meshir.
“Electricity bill agütsütsü asoshi shibai agütsütsü,” ta lai ashi.
Coffee ajemdang minute 15 shi charge asübajibo kecha masü, iba dak taliji bill nung inoksemer meshitsü. Iba ya phone charge asüba nung dang masü saka laptops aser tablets charge asüba nunga meshitsü.
“Ni Internet café masü café ka achaayanger. Nisungtemi oset ajakji amshitettsü aser angati ta bilemer… anepdang tenük lapokbajia angati agi melapoker,” ta osang ka ajanga metetdaktsü.
Austria nung phone nunger charge asüba atema sen meshibaji la café ya mezüng asutsü ta la tebilemba lemsatep. Iba ya yaküm nungi tenzüka inyaker, saka tan hopta osangkaket nung sangdongba sülenang meteta aküm.
Iba sen meshiba nung nisung ajak tebilemba kasa masü, kari asoshi jenjang tali tasak, saka kar asoshibo jenjang shidak dang lir.
Yaküm technology website ZDNet ajanga küm ka nung smartphone ka charge asüba nung sen jenjang asadangba nung parnoki bushitetba agi sen $0.84 (£0.67, €0.79) liasü.
Customer temi coffee dang nungibo internet aser electricity tali amshiba atema mepelabaji Ms Pokorny kija masü. Café nung office mapa inyakertem arua kinungertem aser medemertem den masü phone tali amshia meinba atema tang café nung kiburtemia ashishia liasü. Café nung office amai mapa inyakba atema café kar nungbo plug socket-a miima yuogo.