Vietnam-i tepuokdak alir 18,000 dak tema chioker

Hanoi, August 28 (Agencies): Vietnam-i par Independence Day anogomong amongba nüngtem nung par tepuokdak puoka alir nisung 18,000 dak tema nem taidok agüja tepuokdak nungi chioktsü renemba osang ka tanü Hokolbar nü metetdaktsüogo.

“Taruba Hombar nü nungi tenzüka bendanger 34 densema ozü tepuokdak puoka alirtem telok balala lemsar chioktsü renemogo. Ajisüaka, ozü linük anema inyakertembo mechioktsü renema lir,” ta Deputy Minister, Public Security, Le Quy Vuong-i osang jangjashitsü.

Vietnam-i France nungi nüchiso ngur küm 70 abensaba bilemteta par Independence Day anogomong taruba September ita 2 nü amongtsü renema lir.

Vietnam-i tan tepuokdak nungi chioktsü renemba nisungtemi nisung tepsetba, ozüng alema mozü mora chia kasaji shibelenba, nisung shibelenba aser süpokrem sen agiba ken o nung aibelenertem aliba osang jangjaogo.