Vietnam nung osangbener ka küm 8 tepuokdak ayutsü

Hanori, September 30 (Agencies) : Bodbarnü Vietnam nung okadak kati osangbener ka China atema itdangitrar ta aija küm trok tepuokdak ayutsü obendang agütsü.

Arishi küm 55 tain Ha Huy Hoang ya October 2014 nung apu. Pa ya Vietnam nung Foreign Ministry-i adokba osangkaket ka nung inyaka liasü.

“China atema itdangitraba mapa inyak ta aija Ha Huy Hoang küm trok tepuokdak ayutsü obendang agütsüogo” ta pa atema okatsür Ha Huy Son-i ashi.

Ajisüaka, Hoang-i pa aitsüba ken o ka dang magizüker, ta Son-isa ashi.

2011 nungi Hoang-i China dang Vietnam sorkar indang miim osangtem belen, ta Tuoi Tre osangkaket ajanga metetdaktsü.

Hoang-i trokben tashi China-i ao aser Guangxi province kübok Nanning nung pa den yaritepsang den ajurutep, ta osangkaket nungsa shia lir.

Küm ishika tsüngda Vietnam nung police ketdangsertem densema ketdangser aika China atema itdangitriba onük nung aija puogo.

Vietnam-i kidangsüa aliba China linük den litsü atema mangatettep lir. South China Sea nung asetkong kar aser tzüpaktem atema linük ana tsüngda ashishitep ken o adoka lir.