Vigilance Commisison nem tashi meyipa agütsüogo

Kohima, Nov. 22 (TYO) : Nagaland government nung kilonser tazüng purtemi Vigilance Commisison pur tashi agizüka yur parnoksasabo bushisüngdang masütsü ta lateta yuja aliba telemtetba anema Nagaland Tribes Council (NTC) teloki Gauhati High court nung benoka aliba ken o anogo ana tashi ashia-ashia angadanger, tanü obendangeri state government telemtetbaji agientsüogo.
Joko, tang nungibo State Vigilance Commisison purtem sademsadema bushisüngdang mapa tenzüktsüla ta obendangerisa metetdaktsü.
Tang Gauhati High court nung Nagaland government-i Vigilance Commission alenbanger aliba salatsüsa obendang tajung aser shitak agütsüogo, anungji State Vigilance Commission-i nübortemi temulung süa inyaka aotsü imlar ta NTC leniri kati metetdaktsü.