Vijay-i bronze angu; India-i ajak agi medal 44 agizük

Kuwait City, November 11 (Agencies): India nunger prangpong toktepa kashishir, Vijay Kumar-i 13 buba Asian Shooting Championship tatembangba anogo nung, tanü Bodbar nü medal 2 agizükba osang jangjaogo.
Tanü medal 2 agizükbaji densema, India teloki tan asayamong nung gold 17, silver 14 aser bronze 13 densema ajak agi medal 44 agizüker lir.
Vijay-i tebur 25m Center Fire Pistol tetoktepba nung Thailand nunger Pongpol Kuchairatanna den tekübokba jenjang ngua tanü bronze medal-ji agizük.
Kasa shilem nung Korea nunger Dae Kyu Jang-i points 585 ngua gold medal agizüka liasü.
Vijay-i külem sensopur, Pemba Tamang aser Samaresh Jung na den külemi lungjemer points 1736 ngua telok shilem nunga silver agizükba osang jangjaogo.
Korea teloki points 1738 ngua gold aser Vietnam teloki points 1731 ngua bronze medal agizük.