Vijay Merchant asayamung: Nagaland-i Manipur kokogo

Dimapur, Mongputeni/October 18 (TYO): Tang asayaa aliba Vijat Merchant asayamung nung Nagaland team-i Manipur madak inning ka aser run 251 agi takok nguogo.
Mezüng bat asütsü shimba sülen Manipur team-i mezüngbuba inning nung over 35buba nung asayar ajak out ser run 83 yanglua liasü.
Parnok rongnungi Somokonta-i run 26 yanglu aser Thoiba-i run 25 yanglua liasü.
Nagaland team bowler tem rongnungi Khrievitso Kense-i wicket 5 agia liasü. Nagaland team-i mezüngbuba inning nung over 89.3 nung asayar ajak out ser run 440 yanglu.
Parnok rongnungi Yugandhar-i run 241 yanglu aser yash-i run 51 yanglua liasü. Manipur team asoshi Kadamjit-i wicket 6 agia liasü.
Manipur team-i tanabuba inning nung over 62.4 nung asayar ajak out ser run 106 dang yangluteta asaya makok.
Parnok rongnungi Kadamjit-i run 30 aser Rohit-i run 23 yanglua liasü.
Taküm iba asayamung nung tang agi tanabenbuba Nagaland team-i inning ka anunga lia asaya koktetogo. Taoba asaya nung Nagaland team-i inning ka aser run 321 agi Arunachal team koka liasü. Parnok taruba asaya October 23 nungi 25 tashi Mizoram den asayatsü lemzüka lir.