Vijender-i France nunger Matiouze Royer den tsüngteptsü

London, April 12 (Agencies): India nunger professional (Pro) tsüngteper, Vijender Singh-i France nunger Matiouze Royer den tan April ita 30 nü tsüngteptsü lemzükogo.
Taoba tetoktepba 4 prongla knockout yimya ajanga takok angusang, Vijender-i toktepa tsüngteper rong nung arishi küm 29 tain Royer ya tsüngteper tajungtiba lir.
France southwest tsütsülen, Bayonne nung alir Royer ya tar feet 6 talang lir aser pai 44 ben tashi toktepa tsüngtepdang 14 tashi takok ngua lir.
Royer-i round 250 tashi nung toktepa tsüngtepdanga lir saka Vijender-bo tanü tashi nung round 9 tashi nung dang shilem agia lir.
Arishi küm 30 tain Vijender-i Royer madak London nung takok ngua tsüngteper külen Bolton nunga taruba May ita takok ngua tsüngtepba sülen India-i June ita arua toktepa tsüngteptsü alizüng yua lir.
Vijender-i India nung June ita 11 nü WBO Asia title belt atema tsüngteptsü asoshi anogo lateta lir saka pa den toktepa tsüngteptsü tsüngteperbo tanü tashi shima mali.

You must be logged in to post a comment Login