Vijender-i Hope akok; WBO Asia-Pacific takokba angu

India nunger professional tsüngteper, Vijender Singh (Abelen)-i WBO Asia Pacific Super Middleweight takok nangri atema Australia nunger Kerry Hope den New Delhi nung toktepa tsüngtepdang agiba noksa ka yangi angur. (New Delhi, July 16)

New Delhi, July 16 (Agencies): India nunger professional (Pro) tsüngteper, Vijender Singh-i Australia nunger Kerry Hope madak takok ngua WBO Asia-Pacific Super Middleweight takokba tanü, Honibar nü ajangzükogo.
Vijender-i points 98-92, 98-92, 100-90 agi Hope madak takok ngua tan otsü tasen yanglur lir.
Tan takok anguba ya Vijender-i pro tsüngteper akümba sülen tan agi 7 ben tashi toktepa tsüngtepdang tetoktepba 7 prongla atonga akoker lir.
Ano, tan takok anguba sülen Vijender-i alima ajunga nung Pro tsüngteper tarensen top 15 nung densemtsü maongka nguogo.