Vijender Singh aser Zulpikar na tsüngteptsü

Mumbai, June 19 (Agencies): India nunger boxing asayar Vijender Singh taruba professional bout August ita Mumbai nung China nunger boxer Zulpikar Maimaitiali den tsüngteptsü.
WBO Asia Pacific Super middleweight champion Vijender Singh aser WBO Oriental Super middleweight champion Zulpikar Maimaitiali na tsüngteptsü aliba ya double title asaya ka asütsü.
Maimaitiali-i professional bout 8 tashi nung round 24 asayaogo. Arishi küm 22 tain China nunger tsüngteper ya tang tashi nung khen danga tamakok ngua mali, pa 8 ben tsüngtepba nung knockout 5 ben tashi agütsüogo aser ka draw süa lir.
Vigender tang tashi asayaa aruba nung 8 ben koka lir aser item rongnung 7 bo knock out ajanga akok aser ka tetendanger ajaki pa nem point timba agüja akok. Pai round 30 tashi asayaogo