Vijender Singh-i India nung June 11 nü tsüngteptsü

New Delhi, February 22 (Agencies): India nunger pro tsüngteper, Vijender Singh-i India nung tan mezüngsüa, taküm June ita 11 nü pro tsüngteptsü tetoktepba nung shilem agitsü sentong renemba osang ka World Boxing Organisation (WBO)-i metetdaktsüogo.
Pro tsüngteptsü sabang nung 3 ben tashi shilem agidang asembenprongla knockout ajanga takok angusang, Vijender-i WBO middleweight mesüra super-middleweight takokba angutsü asoshi tan India nung tsüngteptsü renemer lir.
Ajisüaka, pa den tsüngteptsü asoshi shimba tsüngteper tenüng tarutsü mapang ang alima dangbo metetdaktsütsü renemogo.
“Vijender ya tsüngteper mongin ka lir. Pai tarutsü mapang nung regional belt dang masü saka world titles-a akoktsü ta pa dak tamang akar,” ta WBO nung Tatong Tir, John Duggan-i metetdaktsü.
Vijender-i New Delhi kübok Indira Gandhi Indoor Stadium nung tsüngteptsü akok.