Vijender Singh-i Pro Boxing hat-trick yanglur

Manchester, December 20 (Agencies): India nunger toktepa tsüngteper mongin, Vijender Singh-i round 2 mabensadang Bulgaria nunger Samet Hyuseinov madak takok ngua pro boxing hat-trick yashi Britain kübok Manchester yimti nung yangluogo.
Tan mezüngsüa round 6 tashi tsüngteptsü lemzüksang, Vijender-i yashi 2 buba round tenzüker second 35 shi nung Hyuseinov ring tezüleni anir ao kanga sashia atsüngtsü tenzükba sülen referee-i tsüngtepbarenji anenja Vijender nem Technical Knockout takokba agütsü.
Taküm October ita nungi tenzüka pro tsüngteper akümba sülen taoba Olympic & World Championships bronze-medallist, Vijender-i shilem agiba tetoktepba asemprongla round 3 tekübok nung knockout ngua takok angur tsüngper kümogo.
“Ni anogoshi kanga meranga terenemshiba agir. Iba yongji, ni toktepa tsüngtepdang talanga metsüngtepi takok nguadoker,” ta arishi küm 30 tain Vijender-i tesülen metetdaktsü.