Vikas Asian Boxing Championships final-i iogo

Bangkok, September 04 (Agencies): Taoba World Championships bronze-medallist, Vikas Krishan-i semifinal asaya akokba sülen Asian Boxing Championships final asayatsü jenjang tanü Hokolbar nü ajangzükogo.

Temang touzük seret 75 taret Vikas-i points 3-0 ngua Iraq nunger Waheed Abdulridha tsükdaktsüba sülen Uzbekistan nunger Bektemir Melikuziev den asüng, Honibar nü final asayatsü jenjang angu.

Ajisüaka, India nunger Satish Kumar, L Devendro aser defending champion, Shiva Thapa nungeri tanü semifinal asaya nung tamakok ajurua bronze medal ang agizüktsü jenjang anguba osang jangjaogo.

“Arishi küm 23 tain Vikas-i tanü kanga junga tsüngtepogo aser final asaya nunga pai takok ngua gold agizüktsü ta pa dak tamang akar,” ta national coach Gurbax Singh Sandhu-i tesülen metetdaktsü.