Vikheho-i Sumi Hoho Football & Volleyball Tournament lapoktsür

Dimapur, January 28 (TYO): Nagaland Road & Bridges Minister, Vikheho Swu-i 8 buba Sumi Hoho Football (Tebur) & Volleyball (Tetsür) asayamong Pughoboto football ground nung tanü, Brehostibar nü lapoktsüogo.
“Sumi kin ya Nagaland nung tongti shilem agir kin ka lir, anungji, Sumi kin-i Nagaland jenjang tajungba kümdaktsütsü asoshi maneni bendanga agüja inyaktsü ajungshir,” ta tongti tesemdangeri tayongzükba olen ka lemsatep.
“Asayar shiai takok mesüra tamakok anguba dang nungi shilem agibaji tongtipangba,” ta angateta tan asayamong nung tajungtiba yimya benshia shilem agitsü tajungshiba olen ka Vikheho-i metetdaktsü.
Tan asayamong nung football asayar telok 5 aser volleyball asayar telok 5 densema, ajak agi telok 15-i shilem agitsü renema lir.
Sumi Aphuyemi Games & Sports Association (SAGSA)-i ‘Unity & Integrity’ omen nung ajemdaker ayongba asayamong ya taruba February ita 4 nü tembangtsü.