Vikhuli Achumi-i Naga Chef Season 6buba kokogo

Kohima, Luchii/December (TYO): Naga Heritage Village, Kisama nung Luchii 10, 2018 nü Hornbill Festival sibangba sentong nung Naga Chef Season 6 result sangdonga liasü. Naga Chef Season 6buba nung takok angur nem Advisor, Tourism, Art & Culture, Khehovi-i senpet sen agüja liasü.
Naga nunger sobaliba yimya amshia sorchiokba nung shilem agirtem tendanga liasü aser iba tetoktepba nung Dimapur nungi Vikhuli Achumi-i takok anguba ajanga la nem senpet sen lakh 3 den kulikaket (certificate) agütsü.
Kasa tetoktepba nung runner up jenjang nung takok angur asem – Lipok Longkumer, Dennis Suohu aser Mhomo Ngullie nunger nema senpet sen 25000 aser certificate agüja liasü. Naga Chef sentong ya Synergy Group enterprise-i achaayanga agi aser Nagaland Tourism-i nungita liasü.