Vin Diesel-i anir medemertemi asür Paul Walker nem tetushi agütsü

Los Angeles, December 1 (Agencies) : Hollywood actor Paul Walker sür küm ana ajungba nüngtem nung Vin Diesel aser Fast & Furious franchise actor temi asür nem tetushi agütsüogo.

Asür Paul medemertemi social media sabang balala ajanga pa bilemtetba aser tetushi agütsüba osangtem prokshiogo.

Vin Diesel-i pa indang Facebook page nung “Na iba universe nung kolen lidir liaka, na teti kü adianu asütsü” ta osang metetdaktsü. Paisa tena agiba noksa ka Instagram nung sayu.

Actress Jordana Brewster-ia Instagram nung Paul Walker den la külemi agiba noksa ka sayu.

Tawa tu Paul Walker’er jalai Porsche company anema ken o ka benokogo. Lai ashiba agi tebur amenba gari nung company-i safety features timi enok asübo tebu taküm kümzüker lila.

November 30, 2013 nü Hollywood nung nüngtugu actor Paul Walker gari lendong ka nung tsükset.