Vin Diesel-i Deepika Padukone noksa tangokdang tongdang

Mumbai, February 26, 2016 : Hollywood actor Vin Diesel-i Bollywood actress Deepika Padukone aser model Ruby Rose na den producer Jeff Kirschenbaum noksa tangokba mapang asayamenüa tongdang. Parnok ya tang “xXx: The Return of Xander Cage” film tetangokdak lir, ta film director DJ Caruso-i ashi.

Caruso-i iba noksaji twitter nung enokja lemsatepogo aser noksa teküpoklen pai, “Vin Diesel ya producer Jeff Kirschenbaum, Ruby Rose aser Deepika Padukone nunger noksa tangokba tongdanger asü ?” ta züluja lir.

India tsür actress, Deepika ya Hollywood film nung tan mezüngsüa shilem agirba lir aser laia Caruso-i lemsatepba noksa twitter nung tanaben lemsatepogo.

Deepika ya tang Toronto nung “xXx: The Return of Xander Cage” film tetangokdak lir aser iba film ya January 20, 2017 nü sayatsü sentong lir.

2002 küm Rob Cohen-i direct asüba “XXX” film nung Diesel-i shilem agia lir aser pai iba film nungji nüngtugu saisaponger, Xander Cage ama shilem agia lir shiba international kiralongrar telok ka samatsütsü atema US sorkari jiluoker.

2005 küm tangokba, iba film tarensen “xXx: State of the Union” film nungbo Diesel masü saka rap kentener Ice Cube-i tongti shilem agia liasü.

“xXx: The Return of Xander Cage” film nung Nina Dobrev aser Donnie Yen natia shilem agitsü.

You must be logged in to post a comment Login