Viphoma M17, Seiyhazou Hill & Khuzama YO second round-i iogo

19th NSF Martyrs’ Memorial Trophy
Kohima, Rongjui/September 29 (TYO): NSF martyrs’ Memorial Trophy tanü asaya M17, Seiyhazou Hill Boys aser Khuzama Youth Organization-i koka tanabuba round-i iogo. Iba asayamung ya Angami Students’ Union-i ayonga Kohima Local Ground nung tang tasayadak lir.
Tanü asaya mezüngbuba nung M17 FC-i goal ka agi Nagaland University Kohima Campus (NUCK) madak takok angu. Asaya nung goal ka ya Seyievilie Mere-i minute 40buba nung idaktsü.
Asaya tanabuba nung Seiyhazou Hill Boys FC-i gaol 4-2 agi Youth FC, New Secretariat madak takok nguogo.
Seiyhazou Hill Boys FC nungi asayar Kevisa-u Zumu-i asaya nung mezüngbuba goal minute 8buba nung idaktsür asaya mezüngbuba shilem tembang. Lemon break sülen Thepfuneilhou Theünuo-i minute 51 aser 55buba nung goal ana atonga idakja goal 3-0 aküm.
Iba sülen Phezoucha Youth FC, New Secretariat puri kanga junga asayaa parnok rongnungi Meuse Limbu-i minute 63buba nung goal mezüngbuba aser 70buba nung penalty ka ajanga goal tanabuba idakja score 3-2 aküm.
Ajisüaka minute 87buba nung Thepfuneilhou Theünuo-i Viphoma M17 pur atema penalty ka ajanga goal 4buba idakja parnoki asaya akok aser pa iba asayamung nung hat-trick agütsür trokbuba aküm.
Tanü asaya tatembangbuba aser first round tatembangbuba asaya nung Khuzama Youth Organisation-i goal 8-0 agi Golden Tornadoes FC madak takok nguogo.
Asaya nung Menguse Sale-i par telok asoshi goal 1, 3 aser 4buba minute 4, 15 aser 52buba nung idakja iba asayamung nung hat-trick agütsür 7buba kümogo. Maneni asaya nung Zevito Khizho aser Kezhose Khizho nati goal anana agütsü aser Khrievi Thaprü-ia goal ka idakja parnoki asaya ayong ayonga akok.

Mongputeni/Oct 1 nü asaya yamai alitsü:
Khrietho FC Zhadima vs Rising Star (Mizoram) @ 12:00 Noon
Friends United New Market vs Monsang SU (Manipur) 2:00 pm