New Delhi, March 30 (Agencies): India nunger cricket asayaba telok nung captain Virat Kohli Brehostibarnü India Tir Pranab Mukherjee ket nungi Padma Shri award agizükogo. Iba award ya India nung civilian award rongnung temaba pezübuba jenjang nung lir.
Kohli-i küm tepiyong asayaa aruba nung ‘bat’ junga asüba dang masü saka India team captain ka ama par telok kanga junga ania takoki ani. Mahendra Singh Dhoni nungi captain melenzükba sülen pai India team Test ranking nung mezüngbuba jenjang tashi aniogo.
Indian cricket captain Virat Kohli iba tetushi sempet atema asaya 8 shimtetba rongnung züngoksema liasü. Parnok 8 rongnung India hockey captain PR Sreejesh, Rio Olympics nung melangteper Sakshi Malik, gymnast Dipa Karmakar, Paralympian Mariyappan Thangavelu aser Deepa Malik, discus aoner Vikas Gowda aser tenük tapok cricket team captain Shekhar Naik nunger liasü.
Virat Kohli Padma Shri Award agizükogo added by nungsang on
View all posts by nungsang →
You must be logged in to post a comment Login