Vishwanathan Anand nem Hridaynath Mangeshkar sempet agütsütsü

Pungoben tashi world chess takok angusang, Vishwanathan Anand nem ‘Hridaynath Mangeshkar’ sempet April 12, 2016 nü Mumbai nung Maharashtra State Angh, C Vidyasagar Rao-i agütsütsü.
Vishwanathan Anand, December 11, 1969 küm aso. India nunger rongnung mezüngbuba grandmaster takok Anand-i 1988 küm angu. Iba sülen pai FIDE World Chess Championship nung 2000 nungi 2002 tashi shilem agia aru aser iba sülen ano 2007 küm World Champion takok angu.
Hridaynath Mangeshkar Award : Iba sempet ya  2011 küm Mumbai nung tentetba socio-cultural organisation Hridayesh Art teloki Ken mejemer aser ken tener Hridaynath Mangeskar naroküm nung iba sempet ya agütsür.
Iba sempet nung senpet Rs. 2 lakh aser nüngo agütsür. Hridaynath ya kentener mongin Deenanath Mangeshkar’er jabaso aser India nunger kentener tajung Lata Mangeshkar aser Asha Bhosle naprongla ya Hridaynath tenu lir. Taoba mapang iba kasa sempet ya Lata Mangeshkar, Asha Bhosle, Amitabh Bachchan, Hariprasad Chaurasia aser A R Rahman nungertemia nguogo.