Vitamin A&D aketba mamatzü ayoktsü

Kohima, Rongjui/September 16 (TYO): Mongolbar, September 17, 2019 nü 11:00 ako nung Nagaland state dairy co-operative federation Ltd-i hotel Japfü, PR Hill, Kohima nung sentong ka ayongzüka state nung vitamin A & D aketba ‘fortified milk’ ayokba tenzükba sentong agitsü, ta ketdangsertem osang ka ajanga metetdaktsü.
Iba sentong nung alakteta jaokerji Advisor Animal Husbandry & Veterinary Services, Women Resources Development, R Khing asütsü aser tetushi tejaokerji Principal Secretary Department of Health & Family Welfare, R. Ramakrishnan IAS asütsü, ta kasa osang nung shia lir.
Iba sentong ya Commissioner & Secretary Department of Animal Husbandry & Veterinary Services leniba nung agitsü.