Vivo-i sen 12,490 jenjang Y55s smartphone sayaogo

New Delhi, February 25 (Agencies): China nunger smartphone yangluba company, Vivo ajanga India nung sen 12,490 jenjang Y55s sayaogo. Iba phone tesülen camera ya 13MP lir aser taoba küm October ita nung sayaba Y55L smartphone tajungba küma yanglushir sayaba lir.
Iba phone ya February 26 nungi tenzüka ‘crown gold’ aser ‘space grey’ sentsü nung angutsü.
“Iba phone amshitemi jangratema amshitsü asoshi onoki bendanga agütsür inyaker, aser tang tasenba phone ya taoba mapang ama takoker rongnung atentsü yimlar,” ta Vivo India nung CEO, Kent Cheng-i ashi.
Vivo Y55s nung 4G amshiteter aser 2.5D ‘curved screen’ indang HD display ya inch 5.2 lir.
Iba phone nung processor ya Snapdragon 425 lir, aser RAM 3GB aser ROM ya 16GB lir. Iba phone nung Android 6.0 Marshmallow indang Funtouch OS 3.0 lir.
Iba Vivo Y55s nung ya SIM card ana amshiteter aser memory card 256GB tashi inoka amshitettsü. Iba smartphone battery tashi ya 2,730 mAh lir.