Vivo puri India nung Online Store lapokogo

Aenjeti 16, 2018 (Agencies): China nunger smartphone yangluba company Vivo pur-i parnok shishilembaba atsülangtsü atema Tentonü India nung parnok indang E-store ka amenokogo. Iba store ajanga products aser services balala linük tesem ajunga nung agütsütsü.
“E-store tasen ka amenokba ajanga Vivo pur indang smartphone linük nung customer tem nem special launch offers dena agütsütettsü,” ta Vivo India, Chief Marketing Officer, Kenny Zeng-i sangdong ka ajanga metetdaktsü.
Company ajanga ashiba agi, Vivo pur indang service ya linük ajunga nung postal service areas (pin codes) 10,000 tashi nung agütsütsü. Parnokisa maneni “Launch Carnival” amenokba sangdonga liasü. Iba sentong kübok iba ita 16 nungi 18 tashi nung parnok smartphone tem nung tajangzük tem agütsütsü. Vivo phone alirtem nem smartphone kar shimteter discount coupons sen 2,000 alang agütsütsü, iba den külemi ita 12 zero-cost EMI aser Vivo V7 aser V7+ smartphones tem atema screen khen melentsüba offer agütsütsü, ta company ajanga metetdaktsü.
Company pur-i maneni E-store application ka amenoktsü asoshi sentong lir. Iba application nung customer tem nem oset alitsüba nung teyari agütsütsü asoshi Augmented Reality (AR) support den live chat option amala feature tem agütsütsü.